Goldliecht – Walter Lietha

Goldliecht – Walter Lietha

Mike Konia

A Fahna wo eim winkt am klina Teich do
a Hund wo Wasser trinkt as wird bald z'Nacht ge
d'Sunna wo versinkt sie het aim warm ge
a Tanta wo mer winkt

Tuba do im Kies vertrieben d'Spatza
d'Wolka schweben lies und machen Fratza
Maitli schläcken Is tüan wichtig schwätza
wia Tuba do im Kies

Uf dem Denkmal droht a Ma mit ama Schwärt
I gsehna zwar verkehrt vo minem Ort
as sind scho a paar hundert Johr verbi
är seg der muatigscht Kämpfer gsi
in ara grossa Schlacht
Ob dä ächt no hüt so öppis macht
wenn är wüsst dass ma us im as Denkmol macht
wo do im Park erstarrt isch
är treit a Waffa in der Hand
wenn er au scho lägschtens tot isch

A Zitig uf em Wäg mit losa Blätter
a Foti flügt awäg über a Bigi Brätter
fallt döt in da Dräck und d'Sprüch vum Wätter
alles verlürt sin Zwäck

D'Läda machen zua ma müasst pressiera
a Beamta findet Rua vom Telephoniera
a Polizist het langsam gnua vom Tirigiera
und as Büabli schlüft in d'Schua

Und wenn alli göhn goht ma halt au
vallicht wartens scho dahai bis ma bald kunnt
as schient jetzt z'Goldliecht für a Stund
das kündet d'Nacht a wo bald kunnt
si schliecht scho döt dur d'Gass
bald werden d'Farba wieder blass
s'het roti Bluama kha im Gras
wo scho bald verwelkt sin
s'het roti Bluama kha im Gras
wo scho bald verwelkt sin